Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. cur uentos non ipse rogis, ingrate, petisti?
  2. cur nardo flammae non oluere meae?
  3. hoc etiam graue erat, nulla mercede hyacinthos
  4. inicere et fracto busta piare cado.
  5. Lygdamus uratur — candescat lamina uernae —
  6. sensi ego, cum insidiis pallida uina bibi —
  7. at Nomas — arcanas tollat uersuta saliuas;
  8. dicet damnatas ignea testa manus.
  9. quae modo per uilis inspecta est publica noctes,
  10. haec nunc aurata cyclade signat humum;
  11. et grauiora rependit iniquis pensa quasillis,
  12. garrula de facie si qua locuta mea est;