Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. Cynthia namque meo uisa est incumbere fulcro,
  2. murmur ad extremae nuper humata uiae,
  3. cum mihi somnus ab exsequiis penderet amoris,
  4. et quererer lecti frigida regna mei.
  5. eosdem habuit secum quibus est elata capillos,
  6. eosdem oculos; lateri uestis adusta fuit,
  7. et solitum digito beryllon adederat ignis,
  8. summaque Lethaeus triuerat ora liquor.