Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. nec te, quod classis centenis remiget alis,
  2. terreat: inuito labitur illa mari:
  3. quodque uehunt prorae Centaurica saxa minantis,
  4. tigna caua et pictos experiere metus.
  5. frangit et attollit uires in milite causa;
  6. quae nisi iusta subest, excutit arma pudor.
  7. tempus adest, committe ratis! ego temporis auctor
  8. ducam laurigera Iulia rostra manu.’