Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. hinc Augusta ratis plenis Iouis omine uelis,
  2. signaque iam Patriae uincere docta suae.
  3. tandem aciem geminos Nereus lunarat in arcus,
  4. armorum et radiis picta tremebat aqua,
  5. cum Phoebus linquens stantem se uindice Delon
  6. (nam tulit iratos mobilis una Notos)
  7. astitit Augusti puppim super, et noua flamma
  8. luxit in obliquam ter sinuata facem.