Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. aut quorum titulus per barbara colla pependit,
  2. cretati medio cum saluere foro.
  3. aurum spectato, non quae manus afferat aurum!
  4. uersibus auditis quid nisi uerba feres?
  5. quid iuuat ornato procedere, uita, capillo
  6. et tenuis Coa ueste mouere sinus?
  7. qui uersus, Coae dederit nec munera uestis,
  8. istius tibi sit surda sine arte lyra.
  9. dum uernat sanguis, dum rugis integer annus,
  10. utere, ne quid cras libet ab ore dies!
  11. uidi ego odorati uictura rosaria Paesti
  12. sub matutino cocta iacere Noto.’