Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. maior dilata nocte recurret amor.
  2. si tibi forte comas uexauerit, utilis ira:
  3. post modo mercata pace premendus erit.
  4. denique ubi amplexu Venerem promiseris empto,
  5. fac simules puros Isidis esse dies.
  6. ingerat Aprilis Iole tibi, tundat Amycle
  7. natalem Mais Idibus esse tuum.
  8. supplex ille sedet — posita tu scribe cathedra
  9. quidlibet! has artis si pauet ille, tenes!
  10. semper habe morsus circa tua colla recentis,