Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. et simulare uirum pretium facit: utere causis!
  2. maior dilata nocte recurret amor.
  3. si tibi forte comas uexauerit, utilis ira:
  4. post modo mercata pace premendus erit.
  5. denique ubi amplexu Venerem promiseris empto,
  6. fac simules puros Isidis esse dies.
  7. ingerat Aprilis Iole tibi, tundat Amycle
  8. natalem Mais Idibus esse tuum.
  9. supplex ille sedet — posita tu scribe cathedra
  10. quidlibet! has artis si pauet ille, tenes!
  11. semper habe morsus circa tua colla recentis,
  12. litibus alternis quos putet esse datos.
  13. nec te Medeae delectent probra sequacis
  14. (nempe tulit fastus ausa rogare prior),