Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. improba uirgineo lecta ministra foco!
  2. Pallados exstinctos si quis mirabitur ignis,
  3. ignoscat: lacrimis spargitur ara meis.
  4. cras, ut rumor ait, tota potabitur urbe:
  5. tu cape spinosi rorida terga iugi.
  6. lubrica tota uia est et perfida: quippe tacentis
  7. fallaci celat limite semper aquas.
  8. o utinam magicae nossem cantamina Musae!
  9. haec quoque formoso lingua tulisset opem.
  10. te toga picta decet, non quem sine matris honore