Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. dic mihi, num teneros urit lorica lacertos?
  2. num grauis imbellis atterit hasta manus?
  3. haec noceant potius, quam dentibus ulla puella
  4. det mihi plorandas per tua colla notas!
  5. diceris et macie uultum tenuasse: sed opto
  6. e desiderio sit color iste meo.
  7. at mihi cum noctes induxit uesper amaras,
  8. si qua relicta iacent, osculor arma tua;
  9. tum queror in toto non sidere pallia lecto,
  10. lucis et auctores non dare carmen auis.
  11. noctibus hibernis castrensia pensa laboro
  12. et Tyria in clauos uellera secta tuos;
  13. et disco, qua parte fluat uincendus Araxes,
  14. quot sine aqua Parthus milia currat equus;