Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. clamabis capiti uina subisse meo.
  2. cinge caput mitra, speciem furabor Iacchi;
  3. furabor Phoebi, si modo plectra dabis.
  4. cassibus impositis uenor: sed harundine sumpta
  5. fautor plumoso sum deus aucupio.
  6. est etiam aurigae species Vertumnus et eius
  7. traicit alterno qui leue pondus equo.
  8. suppetat hic, piscis calamo praedabor, et ibo
  9. mundus demissis institor in tunicis.
  10. pastorem ad baculum possum curuare uel idem