Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. mendax fama, noces: alius mihi nominis index:
  2. de se narranti tu modo crede deo.
  3. opportuna mea est cunctis natura figuris:
  4. in quamcumque uoles uerte, decorus ero.
  5. indue me Cois, fiam non dura puella:
  6. meque uirum sumpta quis neget esse toga?
  7. da falcem et torto frontem mihi comprime faeno:
  8. iurabis nostra gramina secta manu.
  9. arma tuli quondam et, memini, laudabar in illis:
  10. corbis et imposito pondere messor eram.
  11. sobrius ad lites: at cum est imposta corona,
  12. clamabis capiti uina subisse meo.
  13. cinge caput mitra, speciem furabor Iacchi;
  14. furabor Phoebi, si modo plectra dabis.