Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. quod mihi detractum est, uestros accedat ad annos:
  2. prole mea Paullum sic iuuet esse senem.
  3. et bene habet: numquam mater lugubria sumpsi;
  4. uenit in exsequias tota caterua meas.
  5. causa perorata est. flentes me surgite, testes,
  6. dum pretium uitae grata rependit humus.
  7. moribus et caelum patuit: sim digna merendo,
  8. cuius honoratis ossa vehantur avis.