Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. nunc tibi commendo communia pignora natos:
  2. haec cura et cineri spirat inusta meo.
  3. fungere maternis uicibus, pater: illa meorum
  4. omnis erit collo turba ferenda tuo.
  5. oscula cum dederis tua flentibus, adice matris:
  6. tota domus coepit nunc onus esse tuum.
  7. et si quid doliturus eris, sine testibus illis!
  8. cum uenient, siccis oscula falle genis!