Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. quaelibet austeras de me ferat urna tabellas:
  2. turpior assessu non erit ulla meo,
  3. uel tu, quae tardam mouisti fune Cybeben,
  4. Claudia, turritae rara ministra deae,
  5. uel cuius rasos cum Vesta reposceret ignis,
  6. exhibuit uiuos carbasus alba focos.
  7. nec te, dulce caput, mater Scribonia, laesi:
  8. in me mutatum quid nisi fata uelis?