Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. non fuit exuuiis tantis Cornelia damnum:
  2. quin et erat magnae pars imitanda domus.
  3. nec mea mutata est aetas, sine crimine tota est:
  4. uiximus insignes inter utramque facem.
  5. mi natura dedit leges a sanguine ductas,
  6. nec possis melior iudicis esse metu.
  7. quaelibet austeras de me ferat urna tabellas:
  8. turpior assessu non erit ulla meo,
  9. uel tu, quae tardam mouisti fune Cybeben,
  10. Claudia, turritae rara ministra deae,