Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. assideant fratres, iuxta et Minoida sellam
  2. Eumenidum intento turba seuera foro:
  3. Sisyphe, mole uaces; taceant Ixionis orbes,
  4. fallax Tantaleus corripiare liquor;
  5. Cerberus et nullas hodie petat improbus umbras;
  6. et iaceat tacita laxa catena sera.
  7. ipsa loquor pro me: si fallo, poena sororum
  8. infelix umeros urgeat urna meos.
  9. si cui fama fuit per auita tropaea decori,
  10. Afra Numantinos regna loquuntur auos:
  11. altera maternos exaequat turba Libones,
  12. et domus est titulis utraque fulta suis.
  13. mox, ubi iam facibus cessit praetexta maritis,
  14. uinxit et acceptas altera uitta comas,