Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. damnatae noctes et uos, uada lenta, paludes,
  2. et quaecumque meos implicat unda pedes,
  3. immatura licet, tamen huc non noxia ueni:
  4. det Pater hic umbrae mollia iura meae.
  5. aut si quis posita iudex sedet Aeacus urna,
  6. in mea sortita uindicet ossa pila:
  7. assideant fratres, iuxta et Minoida sellam
  8. Eumenidum intento turba seuera foro:
  9. Sisyphe, mole uaces; taceant Ixionis orbes,
  10. fallax Tantaleus corripiare liquor;
  11. Cerberus et nullas hodie petat improbus umbras;
  12. et iaceat tacita laxa catena sera.
  13. ipsa loquor pro me: si fallo, poena sororum
  14. infelix umeros urgeat urna meos.
  15. si cui fama fuit per auita tropaea decori,
  16. Afra Numantinos regna loquuntur auos: