Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. seu quia uicta suis umeris haec arma ferebant,
  2. hinc Feretri dictast ara superba Iovis.
  1. desine, Paulle, meum lacrimis urgere sepulcrum:
  2. panditur ad nullas ianua nigra preces;
  3. cum semel infernas intrarunt funera leges,
  4. non exorato stant adamante uiae.
  5. te licet orantem fuscae deus audiat aulae:
  6. nempe tuas lacrimas litora surda bibent.