Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. forte super portae dux Veiens astitit arcem
  2. colloquiumque sua fretus ab urbe dedit:
  3. dumque aries murum cornu pulsabat aeno,
  4. uinea qua ductum longa tegebat opus,
  5. Cossus ait forti melius concurrere campo.
  6. nec mora fit, plano sistit uterque gradum.
  7. di Latias iuuere manus, desecta Tolumni
  8. ceruix Romanos sanguine lauit equos.
  9. Claudius a Rheno traiectos arcuit hostis,
  10. Belgica cum uasti parma relata ducis
  11. Virdomari. genus hic Rheno iactabat ab ipso,
  12. mobilis e rectis fundere gaesa rotis.