Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. concidit ante aquilae rostra cruenta suae:
  2. fatales pueri, duo funera matris auarae!
  3. uera, sed inuito, contigit ista fides.
  4. idem ego, cum Cinarae traheret Lucina dolores,
  5. et facerent uteri pondera lenta moram,
  6. Iunonis facito uotum impetrabile dixi:
  7. illa parit: libris est data palma meis!
  8. hoc neque harenosum Libyae Iouis explicat antrum,
  9. aut sibi commissos fibra locuta deos,
  10. aut si quis motas cornicis senserit alas,
  11. umbraue quae magicis mortua prodit aquis:
  12. aspicienda uia est caeli uerusque per astra
  13. trames, et ab zonis quinque petenda fides.
  14. exemplum graue erit Calchas: namque Aulide it
  15. ille bene haerentis ad pia saxa ratis;
  16. idem Agamemnoniae ferrum ceruice puellae
  17. tinxit, et Atrides uela cruenta dedit;
  18. nec rediere tamen Danai: tu diruta fletum
  19. supprime et Euboicos respice, Troia, sinus!
  20. Nauplius ultores sub noctem porrigit ignis,