Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. nempe meam firmant nunc duo busta fidem.
  2. quippe Lupercus, equi dum saucia protegit ora,
  3. heu sibi prolapso non bene cauit equo;
  4. Gallus at, in castris dum credita signa tuetur,
  5. concidit ante aquilae rostra cruenta suae:
  6. fatales pueri, duo funera matris auarae!
  7. uera, sed inuito, contigit ista fides.
  8. idem ego, cum Cinarae traheret Lucina dolores,
  9. et facerent uteri pondera lenta moram,
  10. Iunonis facito uotum impetrabile dixi:
  11. illa parit: libris est data palma meis!
  12. hoc neque harenosum Libyae Iouis explicat antrum,
  13. aut sibi commissos fibra locuta deos,
  14. aut si quis motas cornicis senserit alas,
  15. umbraue quae magicis mortua prodit aquis:
  16. aspicienda uia est caeli uerusque per astra
  17. trames, et ab zonis quinque petenda fides.
  18. exemplum graue erit Calchas: namque Aulide it
  19. ille bene haerentis ad pia saxa ratis;
  20. idem Agamemnoniae ferrum ceruice puellae