Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. Ennius hirsuta cingat sua dicta corona:
  2. mi folia ex hedera porrige, Bacche, tua,
  3. ut nostris tumefacta superbiat Vmbria libris,
  4. Vmbria Romani patria Callimachi!
  5. scandentis quisquis cernit de uallibus arces,
  6. ingenio muros aestimet ille meo!
  7. Roma, faue, tibi surgit opus, date candida ciues
  8. omina, et inceptis dextera cantet auis!
  9. sacra diesque canam et cognomina prisca locorum:
  10. has meus ad metas sudet oportet equus.