Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. tinxit, et Atrides uela cruenta dedit;
  2. nec rediere tamen Danai: tu diruta fletum
  3. supprime et Euboicos respice, Troia, sinus!
  4. Nauplius ultores sub noctem porrigit ignis,
  5. et natat exuuiis Graecia pressa suis.
  6. uictor Oiliade, rape nunc et dilige uatem,
  7. quam uetat auelli ueste Minerua sua!
  8. hactenus historiae: nunc ad tua deuehar astra;
  9. incipe tu lacrimis aequus adesse nouis.
  10. Vmbria te notis antiqua Penatibus edit—
  11. mentior? an patriae tangitur ora tuae?—
  12. qua nebulosa cauo rorat Meuania campo,
  13. et lacus aestiuis intepet Vmber aquis,
  14. scandentisque Asis consurgit uertice murus,