Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. curia, praetexto quae nunc nitet alta senatu,
  2. pellitos habuit, rustica corda, Patres.
  3. bucina cogebat priscos ad uerba Quiritis:
  4. centum illi in prato saepe senatus erat.
  5. nec sinuosa cauo pendebant uela theatro,
  6. pulpita sollemnis non oluere crocos.
  7. nulli cura fuit externos quaerere diuos,
  8. cum tremeret patrio pendula turba sacro,
  9. annuaque accenso celebrante Parilia faeno,
  10. qualia nunc curto lustra nouantur equo.