Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. gloria Lysippost animosa effingere signa;
  2. exactis Calamis se mihi iactat equis;
  3. in Veneris tabula summam sibi poscit Apelles;
  4. Parrhasius parva vindicat arte locum;
  5. argumenta magis sunt Mentoris addita formae;
  6. at Myos exiguum flectit acanthus iter;
  7. Phidiacus signo se Iuppiter ornat eburno;
  8. Praxitelen propria vendit ab urbe lapis.
  9. est quibus Eleae concurrit palma quadrigae,
  10. est quibus in celeris gloria nata pedes;
  11. hic satus ad pacem, hic castrensibus utilis armis:
  12. naturae sequitur semina quisque suae.