Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. hoc mihi, Maecenas, laudis concedis, et a test
  2. quod ferar in partis ipse fuisse tuas.
  1. Mirabar, quidnam visissent mane Camenae,
  2. ante meum stantes sole rubente torum.
  3. natalis nostrae signum misere puellae
  4. et manibus faustos ter crepuere sonos.
  5. transeat hic sine nube dies, stent aere venti,
  6. ponat et in sicco molliter unda minas.
  7. aspiciam nullos hodierna luce dolentis,
  8. et Niobae lacrimas supprimat ipse lapis;
  9. alcyonum positis requiescant ora querelis;
  10. increpet absumptum nec sua mater Ityn.