Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. inter Callimachi sat erit placuisse libellos
  2. et cecinisse modis, Coe+ poeta, tuis.
  3. haec urant pueros, haec urant scripta puellas
  4. meque deum clament et mihi sacra ferant!
  5. te duce vel Iovis arma canam caeloque minantem
  6. Coeum et Phlegraeis Eurymedonta iugis;
  7. eductosque pares silvestri ex ubere reges,
  8. ordiar et caeso moenia firma Remo,
  9. celsaque Romanis decerpta palatia tauris,
  10. crescet et ingenium sub tua iussa meum;
  11. prosequar et currus utroque ab litore ovantis,
  12. Parthorum astutae tela remissa fugae,