Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. non flebo in cineres arcem sedisse paternos
  2. Cadmi, nec semper proelia clade pari;
  3. nec referam Scaeas et Pergama, Apollinis arces,
  4. et Danaum decimo vere redisse rates,
  5. moenia cum Graio Neptunia pressit aratro
  6. victor Palladiae ligneus artis equus.
  7. inter Callimachi sat erit placuisse libellos
  8. et cecinisse modis, Coe+ poeta, tuis.
  9. haec urant pueros, haec urant scripta puellas
  10. meque deum clament et mihi sacra ferant!
  11. te duce vel Iovis arma canam caeloque minantem
  12. Coeum et Phlegraeis Eurymedonta iugis;
  13. eductosque pares silvestri ex ubere reges,
  14. ordiar et caeso moenia firma Remo,