Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. non ego velifera tumidum mare findo carina:
  2. tota sub exiguo flumine nostra morast.
  3. non flebo in cineres arcem sedisse paternos
  4. Cadmi, nec semper proelia clade pari;
  5. nec referam Scaeas et Pergama, Apollinis arces,
  6. et Danaum decimo vere redisse rates,
  7. moenia cum Graio Neptunia pressit aratro
  8. victor Palladiae ligneus artis equus.
  9. inter Callimachi sat erit placuisse libellos
  10. et cecinisse modis, Coe+ poeta, tuis.
  11. haec urant pueros, haec urant scripta puellas
  12. meque deum clament et mihi sacra ferant!