Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. in Veneris tabula summam sibi poscit Apelles;
  2. Parrhasius parva vindicat arte locum;
  3. argumenta magis sunt Mentoris addita formae;
  4. at Myos exiguum flectit acanthus iter;
  5. Phidiacus signo se Iuppiter ornat eburno;
  6. Praxitelen propria vendit ab urbe lapis.
  7. est quibus Eleae concurrit palma quadrigae,
  8. est quibus in celeris gloria nata pedes;
  9. hic satus ad pacem, hic castrensibus utilis armis:
  10. naturae sequitur semina quisque suae.