Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. o centum aequoreae Nereo genitore puellae,
  2. et tu, materno tacta dolore, Theti;
  3. vos decuit lasso supponere bracchia mento:
  4. non poterat vestras ille gravare manus.
  5. reddite corpus, aquae! positast in gurgite vita;
  6. Paetum sponte tua, vilis harena, tegas;
  7. et quotiens Paeti transibit nauta sepulcrum,
  8. dicat 'et audaci tu timor esse potes.'
  9. ite, rates curvate et leti texite causas:
  10. ista per humanas mors venit acta manus.