Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. aut quidnam fracta gaudes, Neptune, carina?
  2. portabat sanctos alveus ille viros.
  3. o centum aequoreae Nereo genitore puellae,
  4. et tu, materno tacta dolore, Theti;
  5. vos decuit lasso supponere bracchia mento:
  6. non poterat vestras ille gravare manus.
  7. reddite corpus, aquae! positast in gurgite vita;
  8. Paetum sponte tua, vilis harena, tegas;
  9. et quotiens Paeti transibit nauta sepulcrum,
  10. dicat 'et audaci tu timor esse potes.'
  11. ite, rates curvate et leti texite causas:
  12. ista per humanas mors venit acta manus.
  13. terra parum fuerat fatis, adiecimus undas:
  14. fortunae miseras auximus arte vias.