Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. me iuvat in prima coluisse Helicona iuventa
  2. Musarumque choris implicuisse manus;
  3. me iuvat et multo mentem vincire Lyaeo,
  4. et caput in verna semper habere rosa.
  5. atque ubi iam Venerem gravis interceperit aetas,
  6. sparserit et nigras alba senecta comas,
  7. tum mihi naturae libeat perdiscere mores,
  8. quis deus hanc mundi temperet arte domum,
  9. qua venit exoriens, qua deficit, unde coactis
  10. cornibus in plenum menstrua luna redit,
  11. unde salo superant venti, quid flamine captet
  12. Eurus, et in nubes unde perennis aqua;