Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. haud ullas portabis opes Acherontis ad undas:
  2. nudus in inferna, stulte, vehere rate.
  3. victor cum victo pariter miscetur in umbris:
  4. consule cum Mario, capte Iugurtha, sedes.
  5. Lydus Dulichio non distat Croesus ab Iro:
  6. optima mors, carpta quae venit ante die.
  7. me iuvat in prima coluisse Helicona iuventa
  8. Musarumque choris implicuisse manus;
  9. me iuvat et multo mentem vincire Lyaeo,
  10. et caput in verna semper habere rosa.