Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. sera, sed Ausoniis veniet provincia virgis;
  2. assuescent Latio Partha tropaea Iovi.
  3. ite agite, expertae bello, date lintea, prorae,
  4. et solitum, armigeri, ducite munus, equi!
  5. omina fausta cano. Crassos clademque piate!
  6. ite et Romanae consulite historiae!
  7. Mars pater, et sacrae fatalia lumina Vestae,
  8. ante meos obitus sit precor illa dies,
  9. qua videam spoliis oneratos Caesaris axes,
  10. et subter captos arma sedere duces,