Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. et Veneris dominae volucres, mea turba, columbae
  2. tingunt Gorgoneo punica rostra lacu;
  3. diversaeque novem sortitae iura Puellae
  4. exercent teneras in sua dona manus:
  5. haec hederas legit in thyrsos, haec carmina nervis
  6. aptat, at illa manu texit utraque rosam.
  7. e quarum numero me contigit una dearum
  8. (ut reor a facie, Calliopea fuit):
  9. 'contentus niveis semper vectabere cycnis,
  10. nec te fortis equi ducet ad arma sonus.
  11. nil tibi sit rauco praeconia classica cornu
  12. flare, nec Aonium tingere Marte nemus;