Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. dixerat, et plectro sedem mihi monstrat eburno,
  2. quo nova muscoso semita facta solost.
  3. hic erat affixis viridis spelunca lapillis,
  4. pendebantque cavis tympana pumicibus,
  5. orgia Musarum et Sileni patris imago
  6. fictilis et calami, Pan Tegeaee, tui;
  7. et Veneris dominae volucres, mea turba, columbae
  8. tingunt Gorgoneo punica rostra lacu;
  9. diversaeque novem sortitae iura Puellae
  10. exercent teneras in sua dona manus:
  11. haec hederas legit in thyrsos, haec carmina nervis
  12. aptat, at illa manu texit utraque rosam.
  13. e quarum numero me contigit una dearum
  14. (ut reor a facie, Calliopea fuit):
  15. 'contentus niveis semper vectabere cycnis,
  16. nec te fortis equi ducet ad arma sonus.