Elegiae
Propertius, Sextus
Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.
- at non squamoso labuntur ventre cerastae,
- Itala portentis nec furit unda novis;
- non hic Andromedae resonant pro matre catenae,
- nec tremis Ausonias, Phoebe fugate, dapes,
- nec cuiquam absentes arserunt in caput ignes
- exitium nato matre movente suo;
- Penthea non saevae venantur in arbore Bacchae,
- nec solvit Danaas subdita cerva rates;
- cornua nec valuit curvare in paelice Iuno
- aut faciem turpi dedecorare bove;