Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. et spatia annorum et longa intervalla profundi
  2. lenibunt tacito vulnera nostra sinu:
  3. seu moriar, fato, non turpi fractus amore;
  4. atque erit illa mihi mortis honesta dies.
  1. Frigida tam multos placuit tibi Cyzicus annos,
  2. Tulle, Propontiaca qua fluit isthmos aqua,
  3. Dindymis et sacra fabricata in vite Cybebe,
  4. raptorisque tulit quae via Ditis equos?
  5. si te forte iuvant Helles Athamantidos urbes,
  6. nec desiderio, Tulle, movere meo,