Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. qua iacet et Troiae tubicen Misenus harena,
  2. et sonat Herculeo structa labore via;
  3. hic ubi, mortalis dexter cum quaereret urbes,
  4. cymbala Thebano concrepuere deo—
  5. at nunc invisae magno cum crimine Baiae,
  6. quis deus in vestra constitit hostis aqua?—
  7. Marcellus Stygias vultum demisit in undas,
  8. errat et inferno spiritus ille lacu.
  9. quid genus aut virtus aut optima profuit illi
  10. mater, et amplexum Caesaris esse focos?