Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. spesque timorque animos versat utroque modo.
  2. quod si, Bacche, tuis per fervida tempora donis
  3. accersitus erit somnus in ossa mea,
  4. ipse seram vites pangamque ex ordine colles,
  5. quos carpant nullae me vigilante ferae.
  6. dum modo purpureo spument mihi dolia musto,
  7. et nova pressantis inquinet uva pedes,
  8. quod superest vitae per te et tua cornua vivam,
  9. virtutisque tuae, Bacche, poeta ferar.
  10. dicam ego maternos Aetnaeo fulmine partus,
  11. Indica Nysaeis arma fugata choris,
  12. vesanumque nova nequiquam in vite Lycurgum,
  13. Pentheos in triplicis funera rapta greges,
  14. curvaque Tyrrhenos delphinum corpora nautas
  15. in vada pampinea desiluisse rate,
  16. et tibi per mediam bene olentia flumina Diam,
  17. unde tuum potant Naxia turba merum.
  18. candida laxatis onerato colla corymbis
  19. cinget Bassaricas Lydia mitra comas,
  20. levis odorato cervix manabit olivo,