Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. et modo Taygeti, crinis aspersa pruina,
  2. sectatur patrios per iuga longa canes:
  3. gyrum pulsat equis, niveum latus ense revincit,
  4. virgineumque cavo protegit aere caput,
  5. qualis Amazonidum nudatis bellica mammis
  6. Thermodontiacis turba lavatur aquis;
  7. qualis et Eurotae Pollux et Castor harenis,
  8. hic victor pugnis, ille futurus equis,
  9. inter quos Helene nudis capere arma papillis
  10. fertur nec fratres erubuisse deos.