Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. illis munus erat decussa Cydonia ramo,
  2. et dare puniceis plena canistra rubis,
  3. nunc violas tondere manu, nunc mixta referre
  4. lilia vimineos lucida per calathos,
  5. et portare suis vestitas frondibus uvas
  6. aut variam plumae versicoloris avem.
  7. his tum blanditiis furtiva per antra puellae
  8. oscula silvicolis empta dedere viris.
  9. hinnulei pellis stratos operibat amantes,
  10. altaque nativo creverat herba toro,