Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. felix Eois lex funeris una maritis,
  2. quos Aurora suis rubra colorat equis!
  3. namque ubi mortifero iactast fax ultima lecto,
  4. uxorum fusis stat pia turba comis,
  5. et certamen habent leti, quae viva sequatur
  6. coniugium: pudor est non licuisse mori.
  7. ardent victrices et flammae pectora praebent,
  8. imponuntque suis ora perusta viris.
  9. hoc genus infidum nuptarum, hic nulla puella
  10. nec fida Euadne nec pia Penelope.
  11. felix agrestum quondam pacata iuventus,
  12. divitiae quorum messis et arbor erant!
  13. illis munus erat decussa Cydonia ramo,
  14. et dare puniceis plena canistra rubis,