Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. neve aliquid de te flendum referatur in urna:
  2. sic redeunt, illis qui cecidere locis.
  3. ter quater in casta felix, o Postume, Galla!
  4. moribus his alia coniuge dignus eras.
  5. quid faciet nullo munita puella timore,
  6. cum sit luxuriae Roma magistra suae?
  7. sed securus eas: Gallam non munera vincent,
  8. duritiaeque tuae non erit illa memor.
  9. nam quocumque die salvum te fata remittent,
  10. pendebit collo Galla pudica tuo.
  11. Postumus alter erit miranda coniuge Ulixes:
  12. non illi longae tot nocuere morae,