Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. annua solvamus thalamo sollemnia nostro,
  2. natalisque tui sic peragamus iter.
  1. Quid mirare, meam si versat femina vitam
  2. et trahit addictum sub sua iura virum,
  3. criminaque ignavi capitis mihi turpia fingis,
  4. quod nequeam fracto rumpere vincla iugo?
  5. ventorum melius praesagit navita morem,
  6. vulneribus didicit miles habere metum.
  7. ista ego praeterita iactavi verba iuventa:
  8. tu nunc exemplo disce timere meo.
  9. Colchis flagrantis adamantina sub iuga tauros
  10. egit et armigera proelia sevit humo,