Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. non ob regna magis diris cecidere sub armis
  2. Thebani media non sine matre duces,
  3. quam, mihi si media liceat pugnare puella,
  4. mortem ego non fugiam morte subire tua.
  1. sed tempus lustrare aliis Helicona choreis,
  2. et campum Haemonio iam dare tempus equo.
  3. iam libet et fortis memorare ad proelia turmas
  4. et Romana mei dicere castra ducis.
  5. quod si deficiant vires, audacia certe
  6. laus erit: in magnis et voluisse sat est.
  7. aetas prima canat Veneres, extrema tumultus:
  8. bella canam, quando scripta puella mea est.
  9. nunc volo subducto gravior procedere vultu,
  10. nunc aliam citharam me mea Musa docet.
  11. surge, anima, ex humili; iam, carmine, sumite vires;
  12. Pierides, magni nunc erit oris opus.