Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. exagitet nostros Manis, sectetur et umbras,
  2. insultetque rogis, calcet et ossa mea!
  3. quid? non Antigonae tumulo Boeotius Haemon
  4. corruit ipse suo saucius ense latus,
  5. et sua cum miserae permiscuit ossa puellae,
  6. qua sine Thebanam noluit ire domum?
  7. sed non effugies: mecum moriaris oportet;
  8. hoc eodem ferro stillet uterque cruor.
  9. quamvis ista mihi mors est inhonesta futura:
  10. mors inhonesta quidem, tu moriere tamen.