Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. haec quoque lascivi cantarunt scripta Catulli,
  2. Lesbia quis ipsa notior est Helena;
  3. haec etiam docti confessa est pagina Calvi,
  4. cum caneret miserae funera Quintiliae.
  5. et modo formosa quam multa Lycoride Gallus
  6. mortuus inferna vulnera lavit aqua!
  7. Cynthia quin etiam versu laudata Properti,
  8. hos inter si me ponere Fama volet.
  1. Callimachi Manes et Coi sacra Philitae,
  2. in vestrum, quaeso, me sinite ire nemus.
  3. primus ego ingredior puro de fonte sacerdos
  4. Itala per Graios orgia ferre choros.
  5. dicite, quo pariter carmen tenuastis in antro
  6. quove pede ingressi? quamve bibistis aquam?
  7. ah valeat, Phoebum quicumque moratur in armis!
  8. exactus tenui pumice versus eat,