Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. ut regnem mixtas inter conviva puellas
  2. hoc ego, quo tibi nunc elevor, ingenio!
  3. me iuvet hesternis positum languere corollis,
  4. quem tetigit iactu certus ad ossa deus.
  5. Actia Vergilium custodis litora Phoebi,
  6. Caesaris et fortis dicere posse ratis,
  7. qui nunc Aeneae Troiani suscitat arma
  8. iactaque Lavinis moenia litoribus.
  9. cedite Romani scriptorcs, cedite Grai!
  10. nescio quid maius nascitur Iliade.
  11. tu canis umbrosi subter pineta Galaesi
  12. Thyrsin et attritis Daphnin harundinibus,